Fréttir - Terra Einingar

Færanlegar kennslustofur rísa við Menntaskólann við Sund

Mon, 22 Sep 2025 10:25:09 GMT

Færanlegar kennslustofur rísa við Menntaskólann við Sund

Vegna viðhaldsframkvæmda við húsnæði Menntaskólans við Sund (MS) er verið að setja upp tímabundna skólabyggingu á lóð skólans. Byggingin samanstendur af 23 sérsmíðuðum húeiningum sem tengjast í heildstæða lausn fyrir kennslu,.

Stærðir eininga.

12 stk. – 7.000 × 2.990 × 3.330 mm (IH 2.800 mm)
8 stk. – 6.058 × 2.990 × 3.330 mm (IH 2.800 mm)
1 stk. – 5.840 × 2.438 × 3.330 mm (IH 2.800 mm)
1 stk. – 9.896 × 2.438 × 3.330 mm (IH 2.800 mm)
1 stk. – 10.005 × 2.438 × 3.330 mm (IH 2.800 mm)

Tæknilegar forsendur.

Húsin eru hönnuð fyrir 36 m/s vindálag og uppfylla kröfur um einangrun og burðarþol við íslenskar aðstæður.

Einangrun: 220 mm í þaki, 160 mm í ytri veggjum og 160 mm í gólfi (A1 steinull).
U-gildi: ≤ 0,17 W/m²K fyrir þök og ≤ 0,23 W/m²K fyrir útveggi.
Eldvarnir: Veggir og loft í EI30/EI60 þar sem við á; niðurhengt loft í brunaflokki A1 (AMF TOPIQ Prime).
Gólf: PVC-dúkur; hönnun miðast við 3,5 kN/m² gólfálag.

Framkvæmdin tryggir öruggt og sveigjanlegt húsnæði fyrir skólastarf meðan á endurbótum stendur.

Að lokum viljum við þakka Smákrönum ehf. kærlega fyrir frábært samstarf við verkefnið.

Viðbætur við Sjálandsskóla.

Thu, 21 Aug 2025 14:40:00 GMT

Viðbætur við Sjálandsskóla.

Við erum um þessar mundir að reisa skólabyggingu við Sjálandsskóla í Garðabæ en byggingin saman stendur af tuttugu sérhönnuðum húseiningum.

Einingunum er raðað saman í rými sem hentar frábærlega undir skólastarfsemi en þær koma í mismunandi stærðum:

7.5 x 3 x 3,33 m
10 x 3 x 3,33 m
11 x 3 x 3,33 m

Lofthæð húseininganna er 3.3 metrar og innri lofthæðin er 2.8 m. Einangrunargildin eru 220/160/160 mm (þak, veggir, golf).

Sérhannaðar húseiningar eru framleiddar innanhúss við bestu mögulegu skilyrði hverju sinni, með áherslu á fullnægjandi orkunýtingu (GEG) og sjálfbærni.

Kostir húseininga okkar eru :

1. Minnka byggingarkostnað.

2. Styttir framkvæmdartíma.

3. Aukin sjálfbærni og auðvelt að endurnýta byggingarnar og færa þær til - Sveigjanlegar lausnir.

4. Húseiningarnar þola vel íslenskt veðurfar.

5. Viðhaldskostnaður mun ódýrari en hefðbundnar byggingar.

Við viljum þakka Smákranar ehf. fyrir ánægjulegt samstarf og til hamingju Garðbæingar með nýju skólabygginguna.

Skógafoss

Mon, 07 Apr 2025 13:31:47 GMT

Salerniskjarni rís við Skógafoss

Nú á dögunum reistum við 72.fermetra salerniskjarna við Skógafoss og það verkefni kom virkilega vel út. Einingarnar eru sérsmíðaðar úr stáli og koma í stærðum 8 x 3,2 m ( 2.stk) og 6,415 m x 3,2 m (1.stk). Einnig hefur verið bætt við þaki á húsið sem er grænþakalausn sem eykur veðurþol, veitir möguleka á gróðurþekju ofan á húsinu og gerir ásýndina glæsilegri. Hönnun, útfærsla og uppsetning hússins var í höndum sérfræðinga Terra Eininga og með samstarfsaðilum varð útkoman eins glæsileg og raun ber vitni. Verkkaupi kemur svo til með að byggja pall utan við einingarnar svo aðgengi verður með besta móti fyrir ferðalanga á komandi sumri. Terra Einingar óska Rangárþingi til hamingju með húsið og þakka farsælt samstarf.

Leikskólinn Araklettur á Patreksfirði

Fri, 01 Nov 2024 13:25:03 GMT

Leikskólinn Araklettur á Patreksfirði

Leikskólinn Araklettur á Patreksfirði opnaði nýbyggingu við leikskólann í febrúar síðastliðnum en viðbyggingin saman stendur af 10.húseiningum frá Terra Einingum. Viðbyggingin markar tímamót hvað varðar starfsemi leikskólans þar sem samhliða því að viðbyggingin var tekin í notkun voru gerðar miklar breytingar á starfsemi leikskólans. Allt skipulag starfseminnar var endurskoðað, breytingar hafa orðið á deildarskipan, aukið hefur á fjölbreytileika rýmanna, gert er ráð fyrir sérkennslurými, starfsmannaaðstaða hefur verið bætt og fleira sem gerir það að verkum að rýmin á Arakletti uppfylla nú gæðaviðmið um húsakost leikskóla. Til hamingju Patreksfjörður !

Terra Einingar er Framúrskarandi fyrirtæki 2024

Thu, 24 Oct 2024 14:48:07 GMT

Terra Einingar hlýtur viðurkenninguna Fyrirmyndarfyrirtæki 2024

Í 14 ár hefur Creditinfo unnið greiningu á rekstri íslenskra fyrirtækja og veitt Framúrskarandi fyrirtækjum viðurkenningu fyrir árangurinn. Markviss undirbúningur og þrotlaus vinna liggur að baki framúrskarandi árangri. Við erum stollt af því að vera meðal 2% íslenskra fyrirtækja sem teljast til Framúrskarandi fyrirtækja árið 2024.

Opnun Ylju neyslurýmis

Fri, 23 Aug 2024 15:51:31 GMT

Rauði krossinn á Íslandi opnar nýjar höfuðstöðvar Ylju.

Rauði Krossinn á Íslandi hefur opnað nýjar höfuðstöðvar fyrir samfélagsverkefnið Ylja . Terra Einingar og Rauði krossinn höfðu gert með sér samstarfssamning sem fól í sér styrk í formi húsnæðis undir starfssemi Ylju. Húseiningar okkar koma því að góðum notum í þessu mikilvæga og þarfa verkefni .

Ylja örugga neyslurýmið er mikilvægt skref í þjónustu við fólk með miklar og flóknar þjónustuþarfir. Það byggir á hugmyndafræðinni um skaðaminnkun en í því felst að draga úr heilsufarslegum, félagslegum og efnahagslegum afleiðingum notkunar vímuefna, án þess endilega að draga úr notkun þeirra. Í rýminu munu einstaklingar 18 ára og eldri geta neytt ávana- og fíkniefna í æð undir eftirliti starfsfólks. Markmið Ylju er að lágmarka þörf einstaklinga til að neyta vímuefna á almannafæri og þannig koma í veg fyrir þann skaða sem vímuefnaneysla í óöruggum aðstæðum getur haft í för með sér. Má þar nefna sýkingar, blóðborna smitsjúkdóma og ofskammtanir. Ylja leggur einnig áherslu á að mynda traust, veita stuðning og viðhalda mannlegri reisn hjá notendum úrræðisins.

Terra Einingar kaupir Öryggisgirðingar

Tue, 30 Jul 2024 16:46:07 GMT

Terra Einingar kaupir Öryggisgirðingar

Terra Einingar festi kaup á öllu hlutafé Öryggisgirðinga ehf .

Öryggisgirðingar bjóða heildarlausnir á girðingum, hliðum og aðgangskerfum fyrir stofnanir, fyrirtæki, heimili og sumarhús. Fyrirtækið er þekkt á markaði fyrir gæða vörur og þjónustu og hefur byggt upp mjög farsæl viðskiptasambönd. Lausnirnar eru smíðaðar á Íslandi eftir þörfum viðskiptavina og veitir fyrirtækið heildarlausn á uppsetningu og viðhaldi.

Terra Einingar er leiðandi fyrirtæki í einingalausnum í formi húseininga og geymslulausna. Einingalausnir fyrirtækisins henta fyrir ólíka starfsemi allt eftir þörfum hvers og eins. Lausnirnar minnka byggingarkostnað, stytta framkvæmdatíma, styðja við sjálfbærni þar sem auðvelt er að endurnýta byggingarnar og færa þær til. , ,Terra Einingar hefur verið í miklum vexti undanfarin ár og hafa húseiningar fyrirtækisins notið aukinna vinsælda þar sem sveigjanleikinn er í fyrirrúmi. Með kaupunum á Öryggisgirðingum sjáum við mikil tækifæri í auknu vöruúrvali beggja fyrirtækja sem saman munu styrkja stöðu sína á markaði. Eftirspurn eftir sveigjanlegum lausnum bæði hvað varðar húseiningar, girðingalausnir og aðgangskerfi hefur aukist verulega. Með breiðu vöruúrvali Terra Eininga og Öryggisgirðinga munu félögin byggja sterka heild sem öflugt fyrirtæki í iðnaði," segir Fannar Örn Þorbjörnsson, framkvæmdastjóri Terra Eininga.

Leikskólinn Sunnuás

Thu, 04 Jul 2024 09:02:09 GMT

Leikskólinn Sunnuás

Terra Einingar afhenti leikskólann Sunnuás í maí á þessu ári. Leikskólinn er settur saman úr 32.húseiningum og myndar 6.deildir ásamt salernum, matsal, aðstöðu fyrir starfsmenn (kaffistofu, skrifstofur, búningsherbergi, snyrting og sturtur) , eldhús, hvíldarherbergi og fatahengi fyrir börnin. Leikskólinn er staðsettur á Dyngjuvegi 18, 104 Reykjavík og er 847.fermetrar að stærð og getur tekið á móti 100 nemendum.

Hægt er að ganga um og skoða leikskólann í nýjum 3D sýningarsal okkar, smelltu á hnappinn og sjáðu útkomuna.

Myndir teknar af Hermanni Valssyni

NLSH - Vinnubúðir

Mon, 29 Apr 2024 13:30:11 GMT

Vinnubúðir fyrir Nýja landsspítala háskólasjúkrahús.

Terra Einingar setti upp vinnubúðir fyrir Nýja Landspítala sem er samstarfsverkefni NLSH, Landspítala (LSH), velferðarráðuneytisins, Háskóla Íslands (HÍ) og EFSR. Verkið samanstendur af 14.húseiningum sem mynda rými upp á 210 fermetra. Í rýminu er anddyri, ræsting, salerni, eldhúskrókur, fatahengi, 2 fundarherbergi, sameiginlegt rými og skrifstofurými fyrir 25-30 starfsmenn. Við komum að öllu ferlinu sem felst í því að hanna, framleiða og fullgera húsnæði tilbúið til notkunar með vatnslögnum, frárennsli, raflögnum og loftræsingu. Einnig sáum við um smíði og uppsetningu á stiga fyrir efri hæðina. Fyrir voru húseiningar sem settar voru upp árið 2021 og er þetta viðbót við þær einingar sem mynda efri hæð.

Vörðuskóli

Mon, 22 Apr 2024 15:00:24 GMT

Vörðuskóli

Uppsetning á Vörðuskóla hófst á dögunum og tókst mjög vel. Leiksskólinn er settur saman úr 32 húseiningum sem mynda 7 deilda leikskóla. Einingarnar eru sérhannaðar samkvæmt hönnun arkitekta. Frá samþykktum teikningum tók framleiðslan og flutningur til landsins um 12-14 vikur. Einingarnar eru færanlegar og endurnýtanlegar sem veitir sveitarfélaginu mikinn sveigjanleika sem og hagkvæmni í uppbuggingu á skólaplássi. Til hamingju Reykvíkingar.

Verk og vit 2024

Tue, 16 Apr 2024 21:17:12 GMT

Við hlökkum til að sjá þig á Verk og vit 2024

Verk og vit 2024 hefst næstkomandi fimmtudag í Laugardalshöll Við verðum með til sýnis sérsmíðaða húseiningu sem stenst allar byggingareglugerðir ásamt því að kynna timbur-húsaeiningar. Renndu við og kynntu þér sveigjanlegu lausnir okkar við erum í bás A62.

Leikskólinn í Vestmannaeyjum

Thu, 21 Mar 2024 15:41:39 GMT

Til hamingju Vestmannaeyjar !

Terra Einingar fór á dögunum til Vestmannaeyja að setja upp viðbætur við leikskólann Kirkjugerði. Viðbæturnar hljóða upp á þrjár húseiningar en hver eining er 21 fermetri svo heildarrýmið er 63 fermetrar. Einingarnar koma með þremur salernum, eldhúsaðstöðu ,vinnuaðstöðu fyrir starfsfólk ásamt deildarrýmum fyrir börnin.

Terra Einingar styrkir Rauða krossinn á Íslandi

Thu, 20 Jul 2023 09:02:20 GMT

Terra Einingar styrkir Rauða krossinn á Íslandi

Samfélagsleg ábyrgð í verki.

Terra Einingar og Rauði krossinn á Íslandi munu á næstu dögum skrifa undir samstarfssamning er felur í sér styrk í formi húsnæðis undir starfssemi Ylju. Í verkefnið verða notaðar húseiningar frá Terra Einingum sem reistar verða fyrir Rauða krossinn undir samfélagsverkefni Rauða krossins sem ber nafnið Ylja.

Ylja örugga neyslurýmið er mikilvægt skref í þjónustu við fólk með miklar og flóknar þjónustuþarfir. Það byggir á hugmyndafræðinni um skaðaminnkun en í því felst að draga úr heilsufarslegum, félagslegum og efnahagslegum afleiðingum notkunar vímuefna, án þess endilega að draga úr notkun þeirra. Í rýminu munu einstaklingar 18 ára og eldri geta neytt ávana- og fíkniefna í æð undir eftirliti starfsfólks.

Markmið Ylju er að lágmarka þörf einstaklinga til að neyta vímuefna á almannafæri og þannig koma í veg fyrir þann skaða sem vímuefnaneysla í óöruggum aðstæðum getur haft í för með sér. Má þar nefna sýkingar, blóðborna smitsjúkdóma og ofskammtanir. Ylja leggur einnig áherslu á að mynda traust, veita stuðning og viðhalda mannlegri reisn hjá notendum úrræðisins.

Verkefnið hófst 9.mars árið 2022 og var þá í sérútbúinn bíl sem var staðsettur í miðbæ Reykjavíkur en samningur Rauða krossins og Reykjavíkurborgar rann út í mars síðastliðnum. Verkefnið þarfnast stærra og betra húsnæðis og munu einingarnar frá Terra Einingum vera stórkostleg viðbót við þjónustu þeirra sem nýta sér neyslurýmið.

Terra Einingar er leiðandi fyrirtæki í einingalausnum. Hvort sem um ræðir byggingu skóla, leikskóla, skrifstofur, vinnubúðir, gistieiningar ásamt geymslueiningum. Einingalausnir okkar henta fyrir ólíka starfssemi allt eftir þörfum viðskiptavina. Við hugsum í sveigjanlegum lausnum með færanlegum endurnýtanlegum byggingum. Við erum virkilega stolt af því að koma að þessu verkefni og sýna samfélagslega ábyrgð í verki og styðja við Rauða krossinn í þessu þarfa verkefni

Terra Einingar reisir 1800 fermetra skólabyggingu við Hagaskóla

Tue, 14 Feb 2023 15:15:23 GMT

Terra Einingar og Reykjavíkurborg hafa undirritað kaupsamning vegna byggingu skólahúsnæðis fyrir Reykjavíkurborg við Hagaskóla. Um er að ræða tveggja hæða um 1.800 fm. skólabyggingu sem reist verður við Hagaskóla í Reykjavík.

Samningur milli aðila var undirritaður í kjölfar útboðs þar sem Terra Einingar voru hlutskarpastir. Einingarnar eru nú þegar komnar í framleiðslu og mun fyrsti hluti skólans koma til landsins um miðjan mars.

Undanfarin ár hafa Terra Einingar reist fjöldann allan af skólum og leikskólum fyrir sveitarfélög. Áfram heldur sú starfsemi að stækka hjá fyrirtækinu.

Í kjölfar þessa verkefnis er á döfinni að reisa að minnsta kosti tvo aðra leikskóla fyrir Reykjavíkurborg á þessu ári auk annarra skóla og leikskólaverkefna í öðrum sveitarfélögum.

Frá undirritun samnings: Fannar Örn Þorbjörnsson framkvæmdastjóri Terra Eininga og Jón Valgeir Björnsson frá Eignaskrifstofu Reykjavíkurborgar.

Viðbætur við tvo leikskóla í Kópavogi

Mon, 02 Jan 2023 16:58:23 GMT

Í nóvember 2022 reistu Terra Einingar viðbætur við leikskólana Urðarhól og Sólhvörf í Kópavogi. Um var að ræða tveggja deilda fullbúið leikskólahúsnæði með eldhúsaðstöðu, hvíldarrými ásamt fataherbergi og salernum. Mikið hefur fjölgað af börnum í hverfunum og því var þörf á auknu rými á meðan verið er að stækka núverandi leikskóla.

Fullbúin einingahús sett saman á staðnum

Húsin eru sett saman úr 5 einingum sem mynda 135 m2 kjarna. Húsin eru hönnuð samkvæmt óskum Kópavogsbæjar, fullbúin öllum hreinlætistækjum, innréttingum, gólfefnum, fatahólfum ásamt niðurhengdum loftum með lýsingu. Einnig var settur gólfhiti í öll rými sem gerir hlýleika og leikur barna á gólfunum mjög notalegur.

Uppsetning einföld

Húsnæðin voru reist á lóð núverandi leikskóla svo samnýting á útisvæði barna sé fullnýtt. Einnig auðveldar það mjög aðfangakeðju innan leikskólanna. Fullfrágengið húsnæðið var tilbúið til notkunar 3 vikum eftir að verkefni hófst á staðnum. Bjart og hlýlegt húsnæði sem rúmar 2 deildir leikskólanna sem mikil ánægja er með.

Terra einingar hefur reist tvo leikskóla úr húseiningum í Garðabæ

Mon, 19 Dec 2022 12:46:04 GMT

Nýi leikskólinn í Urriðaholti, Urriðaból verður opnaður í vikunni. Urriðaból er sex deilda leikskóli sem tekur 120 börn, en leikskólinn er reistur úr húseiningum frá Terra Einingum. Aðeins liðu tæpir fimm mánuðir frá því fyrsta skóflustungan var tekin, þann 5. maí sl., þar til leikskólinn tók til starfa.

Í nóvember 2021 var einnig opnaður ungabarnaleikskóli á Vífilsstöðum, Mánahvoll, en hann er líka úr húseiningum frá Terra Einingum, þar sem Garðabær leigir eininingarhúsin af Terra Einingum og var leigusamningurinn gerður til sjö ára með kauprétti

Fannar Örn Þorbjörnsson, er framkvæmdastjóri Terra Eininga og Garðapósturinn byrjaði á því að spyrja hvort hann sé ánægður hvernig til hefur tekist með framkvæmdir og uppsetningu leikskólanna Mánahvols og Urriðabóls? ,,Bæði þessi verkefni hafa gengið mjög vel, skipulag og samstarf við Garðabæ hefur verið frábært og það er mikilvægt í stóru og flóknu verkefni sem þessu þar sem allir hlutir þurfa að ganga upp svo tímaáætlanir standist. Mánahvoll hefur nú verið starfræktur síðan í nóvember 2021 og er mikil ánægja meðal starfsfólks og barna með húsnæðið,” segir hann.

Smíðaðar samkvæmt forskrift og þörfum Garðabæjar

En hvernig húseiningar eru þetta, eru þær framleiddar á Íslandi og uppfylla þær alla staðla sem til þarf? ,,Húseiningarnar eru framleiddar í Tékklandi hjá framleiðanda okkar þar. Hönnun þeirra er sam-starfsverkefni Terra Eininga og Garðabæjar og voru þær smíðaðar samkvæmt þeirri forskrift og þörfum Garðabæjar. Húsin koma fulltilbúin að innan sem utan. Einingunum er svo púslað saman samkvæmt skipulagi á staðnum og fullfrágengnar til notkunar. Þær uppfylla allar kröfur reglugerðar.”

Og þú segir að húseiningarnar komi tilbúnar að innan sem utan á verkstað? ,,Einingarnar koma fullbúnar á staðinn, lagnir, gólfefni, tæki og innréttingar uppsettar. Tengja þarf svo við stofnlagnir og frágang á milli eininga. Gólfhiti var síðan settur á allar deildir leikskólanna sem er gert af okkar uppsetningaraðilum.”

Mjög hagkvæmur og sveigjanlegur kostur

Og má ekki segja að þetta sé mjög hagkvæmur kostur fyrir sveitarfélögin, ódýrara og framkvæmdartíminn mun styttri en gengur og gerist? ,,Þetta er mjög hagkvæmur og sveigjanlegur kostur fyrir sveitarfélög og ýmsa aðra starfssemi. Með þessum einingum er svo hægt að bæta við og stækka húsnæði á seinni stigum eftir þörf krefur. Framkvæmdartíminn er einnig talsvert styttri en í hefðbundnum byggingum.”

Nú hefur Garðabær samið við ykkur um uppbyggingu á tveimur leikskólum úr húseiningum á tveimur árum. Eru fleiri sveitarfélög sem hafa fylgt Garðabæ á eftir í þessum málum? ,,Já, við höfum verið að setja upp leikskóla bæði í Reykjavík, Kópavogi, Seltjarnarnesi og Mosfellsbæ núna uppá síðkastið og eru enn fleiri slík verkefni á döfinni. Einnig hafa fyrirtæki verið í auknum mæli að setja upp sambærilegar einingar fyrir sína starfssemi bæði sem tímabundna stækkun húsnæðis eða framtíðarhúsnæði undir starfssemi sína.”

Hægt aðframleiða húseiningarnar algjörlega eftir þörfum hvers og eins

Hvað bjóða þessar húseiningar uppá, er hægt að hafa þær á tveimur eða fleiri hæðum og er þetta jafnvel framtíðin, leikskólar og skólar úr húseiningum? ,,Það eru litlar takmarkanir í hönnun eining-anna, það er hægt að hanna og framleiða þær algjörlega eftir þörfum hvers og eins, hvort sem það er á mörgum hæðum með innbyggðri lyftu á milli hæða, fyrir starfssemi leikskóla, skóla og skrifstofur. Einnig hefur verið talsverð eftirspurn eftir gistieiningum í ferðaþjónustunni í sumar,” segir Fannar Örn að lokum.